შრომის ინსპექტორებისგან და ეკონომიკის სამინისტროს ზედამხედველობის სააგენტოს თანამშრომლებისგან დაკომპლექტებულმა შვიდკაციანმა ჯგუფმა მინდელის სახელობის შახტში ცხრასაათიანი ინსპექტირება დაასრულა. შრომის ინსპექციის დეპარტამენტის უფროსის ბექა ფერაძის განცხადებით, ჯგუფმა გარკვეული ხარვეზები დააფიქსირა. ინფორმაციას 1tv ავრცელებს.
„შემთხვევის ადგილის დათვალიერების შემდეგ, ჯგუფმა დააფიქსირა გარკვეული ხარვეზები. ვერ იქნა უზრუნველყოფილი დასაქმებულების გაყვანა უსაფრთხო ზონაში, რომელიც გათვალისწინებულია ბურღვაფეთქვითი სამუშაოების პასპორტის შესაბამისად. მიზეზ-შედეგობრივი კავშირი კი დადგენილი იქნება მას შემდეგ, რაც დასრულდება მოკვლევა“, – განაცხადა ბექა ფერაძემ.
კომენტარები