დაჯგუფება „ჰამასი“, რომელიც ღაზის სექტორს აკონტროლებს და ისრაელი ზავზე შეთანხმდნენ. ამის შესახებ ინფორმაციას Reuters-ი პალესტინურ ანონიმურ წყაროებზე დაყრდნობით ავრცელებს.
წყაროები ამბობენ, რომ ზავი ძალაში 9 აგვისტოს შუაღამიდან უნდა შევიდა. ინფორმაციაზე ისრაელის მხარეს კომენტარი ჯერ არ გაუკეთებია.
„ცნობილია რომ ისრაელის ხელისუფლება არ აღიარებს ხოლმე შეთანხმებას ისეთ ორგანიზაციებთან, რომლებსაც ტერორისტულ დაჯგუფებად მიიჩნევს. თუმცა ყოველთვის მზადაა „ზავს ზავით უპასუხოს“ – ნათავამია Reuters-ის სტატიაში.
ისრაელსა და ჰამასს შორის სარაკეტო იერიშები გასული ორი დღის განმავლობაში არ შეწყვეტილა, რასაც მსხვერპლი ორივე მხარეს მოჰყვა. გარდაცვლილთა შორის ორსული ქალი და ბავშვიც არის.
„ჰამასი“ 1987 წელს დაფუძნდა ის ტერორისტულ ორგანიზაციად მიაჩნია ისრაელს, კანადას, აშშ-ს და იაპონიას, ასევე იორდანიასა და ეგვიპტეს. 2007 წლიდან „ჰამასი“ ღაზის სექტორს აკონტროლებს.