საგანგებო სიტუაციების მართვის სამსახურის წარმომადგენლებმა სასტუმრო “ველმონდის” (ყოფილი “ლეოგრანდის”) შენობა დალუქეს.
სასტუმროსთან მოლაპარაკების პროცესში, საგანგებო სიტუაციების მართვის სამსახურთან ერთად ჩართული იყო აჭარის ავტონომიური რესპუბლიკის მთავრობა და აჭარის ტურიზმის დეპარტამენტი.
კოორდინირებული მუშაობის შედეგად 2 დღის განმავლობაში “ველმონდიდან” 300-მდე სტუმარი სხვადასხვა სასტუმროში გადანაწილდა. სასტუმროს ფუნქციონირება შეჩერებულია.
საგანგებო სიტუაციების მართვის სამსახური სასტუმრო “ველმონდის” ადმინისტრაციასთან მოლაპარაკების რეჟიმში რჩება. კონსულტაციები შენობაში სახანძრო-უსაფრთხოების გაუმჯობესების მიზნით გაგრძელდება. ძირითადი რეკომენდაციების შესრულების შემდეგ, სამსახური მზად არის გასცეს ნებართვა სასტუმროს შენობის ექსპლუატაციაში ხელახლა შესვლის შესახებ.