საგანგებო სიტუაციების მართვის სამსახურის აჭარის სამმართველოს უფროსის ინფორმაციით, ბათუმში 10 სავაჭრო ობიექტი დაიწვა, აქედან 5 სრულად.
ბათუმში პუშკინის ქუჩაზე მდებარე ერთსართულიან სავაჭრო ცენტრში ხანძარი დაახლოებით ღამის ორ საათზე გაჩნდა. ცეცხლი 10-ზე მეტ სხვადასხვა ტიპის მაღაზიას მოედო, მათ შორის სწრაფად აალებად საწყობებს, სადაც შპალერი და საღებავი ინახებოდა.
ხანძრის მასშტაბიდან გამომდინარე, არსებობდა ცეცხლის გავრცელების საშიშროება სავაჭრო ცენტრთან მდებარე ბაზრობაზეც, საიდანაც მოვაჭრეებს პროდუქცია მთელი ღამის განმავლობაში გაჰქონდათ.
დაზარალებულები ამბობენ, რომ ზარალის ოდენობა დიდია. მათივე თქმით, მაღაზიები დაზღვეული არ ჰქონდათ. ხანძრის გამომწვები ზუსტი მიზეზი უცნობია,
პირველადი ინფორმაციით, ცეცხლი სახურავს გაუჩნდა და სავარაუდო მიზეზი გაუმართავი ელექტროგაყვანილობაა. ადგილზე 10 სახანძრო მანქანა და 65 მაშველი მუშაობდა. ადგილზე სასწრაფო დახმარების ბრიგადებიც იყო მობილიზებული, მედიკოსებმა სამედიცინო დამხარება რამდენიმე პირს გაუწიეს.
ადგილზე იყვნენ აჭარის მთავრობისა და ქალაქიის მერიის პირველი პირებიც.
ხანძრის შედეგად არავინ დაშავებულა.
იმედინიუსი