ხაშურში, სოფელ ცედანში ხანძარი ლიკვიდირებულია, – ამის შესახებ განცხადება საგანგებო სიტუაციების მართვის სამსახურის უფროსის მოვალეობის შემსრულებელმა, შალვა ხუციშვილმა გააკეთა
“ადგილზე დარჩება ჯგუფები მონიტორინგისთვის, რათა თავიდან ავიცილოთ რაიმე გართულება.
ეს იყო პტაქტიკულად ტყის ხანძრების ისტორიაში პირველი ხანძარი, რომლის ლიკვიდაციაც ასე სწრაფად მოხდა.
ეს ძირითადად განპირობებულია ორი ფაქტორით. ერთი – ეს იყო ახალი ტექნიკისა და მეხანძრეების ერთობლივი ძალიან ეფექტური მუშაობა.
მეხანძრეებმა მართლა ძალიან მაგრად იმუშავეს და მადლობა მათ ამისთვის
და მეორე, ეს იყო ყველა სახელმწიფო უწყების ეფექტური კოორდინაცია. ძალიან აქტიურად იყო ჩართული შსს, თვითმმართველობის ტექნიკა და გუბერნატორის სამსახური და ასევე ძალიან დიდია მეტყევეების როლიც.
ეს ორი ფაქტორი და ის შესყიდვები, რაც მთავრობამ განახორციელა ტყის ხანძრების მიმართულებით მაძლევს იმის თქმის საფუძველს, რომ მოქალაქეებს ვუთხრათ –
ბორჯომის მასშტაბის ხანძრების გამეორების რისკი არის პრაქტიკულად მინიმალური,
რადგან ამ სამსახურების ეფექტურობა ტყის ხანძრებთან დაკავშირებით მაქსიმალურადაა გაზრდილი.” – განაცხადა შალვა ხუციშვილმა.