ზუგდიდის მუნიციპალიტეტის სოფელ დარჩელში ნაპოვნი ახალშობილის მეურვეობა სოციალურ სამსახურს დაეკისრა.
ამ დროისთვის ჩვილი ზუგდიდის რეფერალურ საავადმყოფოში, ექიმების მეთვალყურეობის ქვეშ რჩება, თუმცა მისი მდგომარეობა დამაკმაყოფილებელია. როგორც ცნობილია, მას ხვალ უკვე ჩვილ ბავშვთა თავშესაფარში გადაიყვანენ.
ახალშობილი დღეს დილით, დარჩელში, წურწუმიების ოჯახის ჭიშკართან იპოვეს. მომხდარზე გამოძიება ახალშობილის უმწეო მდგომარეობაში მიტოვების მუხლით დაიწყო. სამართალდამცველებმა ასევე ამოიღეს სახლთან ახლოს მდებარე მაღაზიის სათვალთვალო კამერების ჩანაწერებიც.
კომენტარები