ბათუმის მერიის გადაწყვეტილებით, ქალაქში ავტომობილების მოძრაობის განტვირთვისთვის, პარკირების ახალი სისტემა ამოქმედდება. ინფორმაციას „აჭარის ტელევიზია“ ავრცელებს.
ბათუმის საქალაქო ტრანსპორტის სამსახურის უფროსი ემზარ ქავჟარაძის განცხადებით, ქალაქის ცენტრალურ ნაწილში, საათობრივი პარკირების სისტემა ამოქმედდება.
ავტომობილის გაჩერებისთვის საათობრივი გადასახადი დილის 7 საათიდან 18:00 საათამდე იმოქმედებს, საღამოს საათებში კი თავისუფალი პარკირება იქნება, რაც ქალაქის ამ ნაწილში მცხოვრებლებს მანქანების სახლთან დაყენების საშუალებას მისცემს.
უწყებაში განმარტავენ, რომ კონკრეტული ქუჩის მცხოვრებლებს პარკირებისთვის, დამატებითი შეღავათები დღის განმავლობაშიც ექნებათ, თუმცა დეტალები ამ დროისთვის დაზუსტებული არ არის.
კომენტარები