გუკამ შემატყობინა ამ გადაწყვეტილების შესახებ, მე წინააღმდეგი ვიყავი, რომ ჩაბარებოდა, რადგან მიმაჩნია, რომ ეს არის პროვოკაცია პროკურატურის მხრიდან გაკეთებული მაიას ქონების ხელში ჩასაგდებად,- ამის შესახებ ვახტანგ რჩეულიშვილმა 2030.news-ს განუცხადა.
“მიუხედავად ამისა, გუკამ მოიწვია ტელევიზია, მისცა ინტერვიუ, ინტერნეტშიც გამოაქვეყნა ვიდეო, რომ ბარდებოდა, გამოვიდა და მოსული იყო პოლიცია. როგორც ყოველთვის არიან თაღლითები, ვინც ამბობს, რომ დავიჭირეთ და არ ჩაბარებულაო. ადვოკატმაც იცოდა, რომ ბარდებოდა ტელევიზიებმაც და ინტერნეტშიც იყო გამოქვეყნებული. პარლამენტის უკან შენობა რომ არის, იქ იყო მისული ლელასთან კილაძესთან სახლში. იქ დაიბარეს ტელევიზიები. მე წინააღმდეგი ვიყავი, რომ ჩაბარებოდა, მაგრამ მაია იქ არის და არ შემიძლიაო. ლელასთან იყო სახლში მისული, ლელასთან ცხოვრობს ახლა, მისი ცოლია და მასთან იყო მისული. იქიდან შემატყობინა ჩაბარებაზე მეც და ჩვენს ადვოკატსაც, რეალურად გავრცელდა ინტერნეტშიც ინფორმაცია, მოვარდნენ სამართალდამცველებიც და ჩაიწერეს ქულა”,- განაცხადა ვახტანგ რჩეულიშვილმა.