იურიდიულ საკითხთა კომიტეტის თავმჯდომარის, ეკა ბესელიას განმარტებით, დასკვნა, რომელიც ხორავას ქუჩაზე არასრულწლოვანთა მკვლელობის საქმეზე „ევროპულმა საქართველომ“ მოამზადა არა სამართლებრივი, არამედ პარტიული დოკუმენტია.
„ჩვენ, კანონმდებლებმა ამ კომისიის ჩატარებული მუშაობის შედეგად უნდა გავაანალიზოთ, რა სისტემური რეფორმები გვჭირდება. აქ პოლიტიკური მიზნით კი არ უნდა ხელმძღვანელობდე, რომ ეს ტრაგედია გამოიყენო საკუთარი პოლიტიკური ინტერესებისთვის, რაც მორალს მიღმა დაუშვებელია, მთავარი იყო, ჩვენ დაგვენახა ხელისუფლების რომელიმე ორგანო ან თანამდებობის პირი ხომ არ აფარებდა ხელს მკვლელს ან ხომ არ აყალბებდა მტკიცებულებებს, თორემ ხარვეზს ყველა საქმეში ვიპოვით.
ამ საქმეშიც დავინახეთ გარკვეული ხარვეზები, მაგრამ მთავარი იყო სწორედ ის, რომ არ გამოჩნდა გარემოება რომ არსებობს სხვა პირი, რომელსაც შეიძლება დამნაშავე უწოდო და ასეთს ხელი დააფარეს“, – განაცხადა ეკა ბესელიამ.