მიმდინარე წლის მაისი-ივნისში, პარლამენტის წინ საპროტესტო აქციებში მონაწილე ლაშა ცუცქირიძე „ერთიანი ნაციონალური მოძრაობის“ შემწირველია. აუდიტის სამსახურის მონაცემებით, ცუცქირიძემ 10 ოქტომბერს ოპოზიციურ პარტიას 10 ათასი ლარი ჩაურიცხა. ამის შესახებ 1tv წერს.
ლაშა ცუცქირიძე საზოგადოებას საპროტესტო აქციაზე შეძახილით „კაა“ დაამახსოვრდა.
პოლიტიკური ფინანსების მონიტორინგის დეპარტამენტის მიერ გამოქვეყნებული ინფორმაციით, 10-11 ოქტომბერს „ნაციონალურმა მოძრაობას“ მთლიანობაში 32 289 ლარის შემოწირულობა აქვს მიღებული, მათ შორის 5-5 ათასი ლარი ბექა ბასილაიასგან, გიორგი პატარაიასგან და მაია მუმლაძისგან.
ამის გარდა, 5000 ლარის შემოწირულება უფიქსირდება პარტია „ევროპულ საქართველოს“, 1000 ლარის კი „ლეიბორისტულ პარტიას“
კომენტარები