მთავარ პროკურატურაში ბრიფინგი დაინიშნა. განცხადება 12:00 საათზე გაკეთდება.
განცხადება ბადრი პატარკაციშვილის გარდაცვალების საქმეს შეეხება.
შეგახსენებთ, რომ პატარკაციშვილის მკვლელობის მომზადების ფაქტზე კუდ-ის ყოფილ მაღალჩინოსნებს ლევან ქარდავას, რევაზ შიუკაშვილსა და გიორგი მერებაშვილს აქვთ ბრალი წაყენებული.
სამი ბრალდებულიდან საგამოძიებო უწყების წარმომადგენლებმა მხოლოდ მერებაშვილი დააკავეს, რომლის მიმართაც აღკვეთის ღონისძიების შეფარდების საკითხზე სასამართლო დღეს იმსჯელებს.
რაც შეეხება დანარჩენ ორ ბრალდებულს, ლევან ქარდავას და რევაზ შიუკაშვილს სხვა სისხლის სამართლის საქმეებზე, უკვე თავისუფლების აღკვეთა აქვთ შეფარდებული.
კომენტარები