შინაგან საქმეთა მინისტრმა გიორგი გახარიამ მთავარი პროკურატურის მიერ გავრცელებულ აუდიოჩანაწერთად დაკავშირებით განაცხადა რომ თუ იქნება მცირედი დადასტურება მაინც, ის რასაც სუბელიანი ამბობს გამოძიება დაიწყება და დამნაშავე იქნება დასჯილი.
“ეს იყო პირველი გამოძიება, როდესაც დაფარვის და მოწმეზე ზემოქმედების ბრალდებით, გამოძიების ფარგლებში დაკავებული იყო 5-ზე მეტი პირი. ასეთი პრაქტიკა ადრე არ არსებობდა. იქ არის რამდენიმე მუხლი, რომელიც პარაქტიკულად ჩვენ გავაცოცხლეთ რა თქმა უნდა, ასეთი ინფორმაციის მიღების შემდეგ სამართალდამცავი სისტემა და შსს მყისიერ რეაგიებას აძლევს და ჩვენ ამ თემაზე მოვიკვლევთ. თუ იქნება მცირედი დადასტურება მაინც, რომ მსგავს ფაქტს ჰქონდა ადგილი, რა თქმა უნდა გამოძიება დაიწყება და დამნაშავე იქნება დასჯილი. ზუსტად შაყულაშვილის დარღვევების გამოსავლენად იყო შექმნილი საპარლამენტო კომისია, რომელმაც მუშაობა დაასრულა და თავისი დასკვნა დადო. გეუბნებით, რომ ერთ მხარეს გვაქს საპარლამენტი კომისიის დასკვნა და მეორე მხარეს გვაქვს პატიმარ მირზა სუბელიანის საუბრის ფარული ჩანაწერი მის სტუმართან. შესაბამისად, ჩვენი ამოცანაა, ის სამართლებრივი პასუხები რაც ეკუთვნის ამ ფარულ ჩანაწერს გავცეთ და მხოლოდ ამის შემდეგ ვიმსჯელოთ იმაზე, რა ფუნქცია, როლი ან რამე დარღვევა განახორციელა ბატონმა შაყულაშვილმა”, – განაცხადა გიორგი გახარიამ.