მიხეილ ჯანელიძის განცხადებით, შეშფოთებით აკვირდებოდნენ იმ პროცესებს, რომელიც წუხელ თურქეთში ვითარდებოდება.
ჯანელიძის თქმით, მნიშვნელოვანია, რომ მოხდა სიტუაციის დარეგულირება და დღეს შედგა სატელეფონო საუბარი მის თურქ კოლეგასთან.
„დღეს შედგა სატელეფონო კავშირი ჩემს კოლეგასთან, სადაც აღინიშნა, რომ ამ ეტაპზე მთავრობა აკონტროლებს სიტუაციას. მნიშვნელოვანია, რომ თურქეთი, რომელიც არის ჩვენი მეზობელი, მეგობარი და პარტნიორი ამ ქვეყანაში დემოკრატიის განვითარებას და დემოკრატიულ ინსტიტუტებს პრობლემები არ შეექმნას. ამიტომ ჩვენ ამ პროცესებს მაქსიმალურად ვადევნებთ თვალყურს. ვაგრძელებთ მუშაობას იმისთვის, რომ ჩვენს თანამოქალაქეებს, რომლებიც თურქეთში არიან და სურთ საქართველოში დაბრუნება, მაქსიმალურად ხელი შევუწყოთ ამაში“, – განაცხადა მიხეილ ჯანელიძემ.
საგარეო საქმეთა მინისტრმა საქართველოში დაბრუნების მსურველ მოქალაქეებზეც ისაუბრა. მისივე თქმით, სტამბოლის აეროპორტში თურქეთიდან საქართველოში გამოფრენას ელოდება ერთი ჯგუფი და ასევე უკვე ირკვევა მეორე რეისის გამოფრენის დროც.
„ჩვენი საკონსულოს წარმომადგენლები სტამბოლში აეროპორტში არიან. ისინი აწვდიან მათ როგორც საკვებს, ასევე საჭირო საგნებს, მედიკამენტებს და სხვა“, – განაცხადა მიხეილ ჯანელიძემ.