გორში განსაკუთრებული სისასტიკით მოკლული 8 წლის გოგოს ოჯახის წევრები მოუწოდებენ მედიის ნაწილს და პოლიტიკოსებს, ნუ მისცემენ პოლიტიკურ ელფერს ამ საზარელ დანაშაულს. ოჯახის წევრებმა სამღვდელობასთან შეხვედრის შემდეგ განაცხადეს, რომ ადამიანთა გარკვეული ჯგუფი, მათი ტრაგედიის პოლიტიკურ ინტერპრეტაციას ცდილობს, რაც მათთვის მიუღებელია.
კითხვა – თავის დროზე რატომ შეეხო იაგო ნებიერიძეს ჯერ ამნისტია და შემდეგ შეწყალება, ძალოვნებისთვის პასუხგაცემულია.
2005 წელს სამართალდამცველებს პირდაპირი მტკიცებულებების შეგროვება რომ მოეხერხებინათ, ის ციხეში გაცილებით მძიმე დანაშაულისთვის წავიდოდა და არა ფულის გამოძალვის ბრალდებით.
უკვე დღეს, მას უვადო პატიმრობა ემუქრება.
8 წლის ნანა ბერიაშვილი 25 ოქტომბერს სახლიდან ცეკვის წრეზე შუადღისას გავიდა, მაგრამ დანიშნულ ადგილზე არ მისულა. ოჯახმა პოლიციას შეატყობინა. რამდენიმე საათში ბავშვი მდინარე ლიახვის პირას გარდაცვლილი იპოვეს.
გორში ბავშვის მკვლელობაში ბრალდებული იაგო ნებიერიძე წარსულში ნასამართლევია.
დაკავებულის დედის ინფორმაციით, მისმა შვილმა 9-წლიანი სასჯელი მოიხადა და საპატიმრო 9 თვის წინ დატოვა.