საფრანგეთის პოლიციამ დღეს დილით ნიცაში განხორციელებულ ტერაქტთან კავშირში ეჭვმიტანილი მამაკაცი და ქალი დააკავა. აღნიშნულ ცნობას საინფორმაციო სააგენტო „როიტერი“ ავრცელებს. სამართალდამცველები დაკავებულთა ვინაობას არ ასაჯაროებენ.
საფრანგეთის პოლიციას ამ დროისთვის ტერაქტთან კავშირში ეჭვმიტანილი 7 პირი ჰყავს დაკავებული. 31 წლის ტუნისელი მოჰამედ ბოულელი ხუთშაბათს ღამე საფრანგეთის ეროვნული დღესასწაულის, ბასტილიის აღების, აღსანიშნავად შეკრებილ ხალხში სატვირთო მანქანით შევარდა. შემთხვევას 84 ადამიანის სიცოცხლე ემსხვერპლა, მათ შორის 10 ბავშვი იყო.
კომენტარები