საპარლამენტო უმრავლესობის წევრი სოფო კილაძე, სოციალურ ქსელში ბერა ივანიშვილის და ნანუკა გუდავაძის ჯვრის წერას ეხმაურება:
„ვულოცავ ამ ულამაზეს წყვილს გაბედნიერებას! რაც მათ ოჯახს სიკეთე აქვს გაკეთებული ქვეყნისთვის, ღმერთმა ერთი ასად დაუბრუნოს.
აჭრელებულია სოციალური ქსელი პროპაგანდისტების უშვერი ლანძღვა-გინებით. ასეთებს მინდა მივმართო: შეიძლება კონკრეტული პოლიტიკოსი მოგწონდეს ან არ მოგწონდეს, ეთანხმებოდე ან არ ეთანხმებოდე, მაგრამ ამ ბავშვების წყევლა და ბილწი სიტყვებით მოხსენიება, ან ადამიანობაში როგორ ჯდება, ან მორალში?! ან ოჯახები და შვილები არ გყავთ?! რა სვეტიცხოვლის გადაკეტვაზეა საუბარი?
ეს ნაც-რუსული პროპაგანდა იმდენად მოედო უკვე საზოგადოებას, რომ ძალიან რთული იქნება სიმშვიდისა და დაბალანსებისკენ წასვლა, სამწუხაროდ, ძალიან რთული“, – წერს სოფო კილაძე.