მაშველებმა ზემო ფონიჭალაში, საცხოვრებელი სახლის ნანგრევებში ქალისა და ბავშვის ცხედრები იპოვეს.
ინფორმაციას ამის შესახებ საგანგებო სიტუაციების მართვის სამსახური ავრცელებს. დედა-შვილს ნანგრევებში რამდენიმე საათის განმავლობაში ეძებდნენ.
დაღუპულების ცხედრები პროზექტურაში გადაასვენეს.
ამასთან, დამწვრობის ცენტრის რეანიმაციულ განყოფილებაში აფეთქების შედეგად დაშავებული სამი პირია მოთავსებული, ისინი ერთი ოჯახის წევრები არიან.
თბილისში, ზემო ფონიჭალაში აფეთქება საცხოვრებელ კორპუსში დღეს მოხდა. ამ დროისთვის არსებული ინფორმაციით, აფეთქება ბუნებრივი აირის დაგროვებამ გამოიწვია, რასაც საცხოვრებელი კორპუსის მე-3 და მე-4 სართულებზე ნგრევა მოჰყვა.
კომენტარები