გორის ცენტრში, სადაც 14 წლის წინ გაუჩინარებული არასრულწლოვნის ცხედრის სამძებრო სამუშაოები მძიმე ტექნიკის დახმარებით გრძელდება. 14 წლის წინ დაკარგული 11 წლის ზაქრო ბერძნიშვილის ცხედრის სამძებრო სამუშაოები გორის კულტურისა და დასვენების პარკში მიმდინარეობს.
შინაგან საქმეთა სამინისტროს და სამხარაულის ექსპერტიზის ბიუროს თანამშრომლები პარკის კონკრეტულ მონაკვეთზე სამძებრო ოპერატიული ღონისძიებების ფარგლებში მეორე დღეა მიწის გათხრას აწარმოებენ.
აღნიშნული მონაკვეთი სამართალდამცავებს საგამოძიებო ექსპერიმენტის ფარგლებში ნანა ბერიაშვილის მკვლელობაში ბრალდებულმა იაგო ნებიერიძემ მიუთითა.
ნებიერიძის ჩვენების შემდგომ შსს-მ სამხარაულის ექსპერტების დახმარებით და სპეციალური ტექნიკის გამოყენებით აღნიშნული მონაკვეთის გეოსკანირება ჩაატარა, რის შემდგომაც მიღებული ინფორმაციის საფუძველზე კულტურისა და დასვენების პარკის ტერიტორიაზე სამძებრო ოპერატიული სამუშაოები მიმდინარეობს.