„ნაციონალური მოძრაობის” ოპოზიციური ჯგუფის საპრეზიდენტო კანდიდატის გრიგოლ ვაშაძის საარჩევნო შტაბის ხელმძღვანელი გიორგი ვაშაძე პეტრო პოროშენკოს შტაბისთვის წინასაარჩევნო პერიოდში იმუშავებს. ინფორმაციას „მაესტრო“ ავრცელებს.
ტელეკომპანიის ცნობით, ვაშაძეს შესთავაზეს, უკრაინაში გადასულიყო, თუმცა მან მიიღო გადაწყვეტილება, რომ უკრაინაში არ გადავიდეს და საქართველოდან შეუერთდეს პოროშენკოს შტაბს.
„შემოთავაზება იყო. მუდმივად ვერ წავალ ხომ საქართველოდან?! რეფორმებზე ვმუშაობ და რეფორმების განრიგის კუთხით მთხოვეს, რა შეიძლება გაკეთდეს უკრაინაში და ამას საქართველოდან ვიმუშავებ. პოროშენკოსთან დიდი ხანია ვთანამშრომლობ” – თქვა ვაშაძემ.
კომენტარები