ნაძალადევის რაიონში, ზღვის უბნის III მიკრორაიონის II კვარტალში, N30 კორპუსის მიმდებარედ საბავშვო გასართობი მოედანი მოეწყო.
შესრულებულ სამუშაოებს ნაძალადევის რაიონის გამგებელი ირაკლი ხელაძე პარლამენტისა და საკრებულოს მაჟორიტარ დეპუტატებთან, ზაზა გაბუნიასა და თამარ ტალიაშვილთან ერთად გაეცნო.
„საბავშვო გასართობი სივრცე ხუთი კორპუსის მოსახლეობისთვის მოეწყო, სადაც კაუჩუკისსაფარიან მოედანზე ხის ატრაქციონები დამონტაჟდა. აღსანიშნავია, რომ ორი ატრაქციონი შშმ პირებისთვის არის გათვალისწინებული. ასევე, საბავშვო სივრცის გვერდით კომბინირებული სპორტული მოედანია, რომელიც გასულ წელს განვაახლეთ. საბოლოო ჯამში, ბავშვებისა და მოზრდილებისთვის კარგი გასართობი სივრცე შეიქმნა“, – განაცხადა ირაკლი ხელაძემ.
აღნიშნულ მისამართზე ინფრასტრუქტურული სამუშაოები ნაძალადევის რაიონის გამგეობის დაფინანსებით შესრულდა. მიმდინარე წელს, რაიონის მასშტაბით, მსგავსი პროექტი კიდევ ოთხ მისამართზე განხორციელდა.