პარიზის ქუჩებში დღეს ყვითელჟილეტიანების აქციაზე ათასობით მხარდამჭერი გამოვიდა. პოლიციამ მათ წინააღმდეგ შანზ-ელიზეზე ცრემლსადენი გაზი გამოიყენა. ცრელმსადენი გაზი და წყლის ჭავლი გამოიყენეს ასევე ტრიუმფალურ თაღთან შეკრებილი დემონსტრანტების წინააღდეგ, რომლებმაც მანამდე სამართალდამცველების მისამართით ასაფეთქებელი ნივთიერებები ისროლეს. ინფორმაციას Reuters-ი და სხვა უცხოური სააგენტოები ავრცელებენ.
მთელი ქვეყნის მასშტაბით გამართული აქციების უსაფრთხოებას თვალს 80 ათასამდე პოლიციელი ადევნებდა, მათ შორის 5000 სამართალდამცველი პარიზში.
ადგილობრივი დროით 18:00 საათისთვის მთელი ქვეყნის მასშტაბით აქციის მონაწილეთა საერთო რაოდენობა 84 000-ს მიაღწია, მათ შორის პარიზში 8000-მდე დემონსტრანტი იყო შეკრებილი.
პარიზში გამართულ აქციებზე 156 ადამიანი დააკავეს, მთელი ქვეყნის მასშტაბით კი 240. მათგან 200 დემონსტრანტი ისევ საპატიმროში რჩება. დაკავების მიზეზი აქციის მონაწილეებისთვის აღმოჩენილი იარაღი ან სხვა უკანონო ნივთები გახდა.
საფრანგეთში ყვითელჟილეტიანების აქციები 17 ნოემბრიდან არ წყდება. აქციების დროს არეულობებსა და შეტაკებებს 10 ადამიანი ემსხვერპლა. საწვავზე ფასის მატების საწინააღმდეგო აქციების მონაწილეები, დღეს, უკვე მთავარ მოთხოვნად ემანუელ მაკრონის გადადგომას ასახელებენ.
იმედინიუსი