არ შეიძლება, რომ ტერორისტები აშშ-ს პარტნიორები იყვნენ, – განაცხადა თურქეთის პრეზიდენტის პრესმდივანმა იბრაჰიმ კალინმა.
„ბატონო დონალდ, არ შეიძლება ტერორისტები აშშ-ს პარტნიორები ან მოკავშირეები იყვნენ. თურქეთი აშშ-სგან ვალდებულებების შესრულებას ელოდება, რაც ჩვენს ქვეყნებს შორის სტრატეგიული პარტნიორობიდან გამომდინარეობს. ტერორიზმის პროპაგანდამ ზიანი არ უნდა მიაყენოს თურქეთ-ამერიკის ურთიერთობებს“, – განაცხადა თურქეთის ლიდერის ოფიციალურმა წარმომადგენელმა.
მისივე თქმით, ეთნიკური ქურთების PKK და PYD/YPG ტერორისტებთან გაიგივება დიდი შეცდომაა.
„თურქეთი ტერორისტებს ებრძვის და არა ქურთებს. ანკარა მზად არის ტერორისტებისგან დაიცვას სირიის მოსახლეობა, მათ შორის ქურთები“, – აღნიშნა იბრაჰიმ კალინმა.
შეგახსენებთ, რომ აშშ-ს პრეზიდენტი დონალდ ტრამპი თურქეთს ეკონომიკური განადგურებით დაეუქრა იმ შემთხვევაში, თუ აშშ-ს სირიიდან გასვლის შემდეგ ანკარა სირიელ ქურთებს დაარტყამს.