სამომავლოდ WhatsApp-ს, Android მოწყობილობებზე, პიროვნების ნამდვილობის დასადგენად თითის ანაბეჭდის ფუნქცია დაემატება. ამის შესახებ 9TO5Google-ი წერს.
Facebook-ის კუთვნილი მესენჯერი მიზეზად მომხმარებელთა ინფორმაციის უსაფრთხოებას ასახელებს.
როგორც WABetaInfo-ზე ვკითხულობთ, სიახლე მომდევნო განახლებაში გამოჩნდება. ზუსტი თარიღი უცნობია, თუმცა სისტემური განხლება 2.19.3 ვერსიაში იქნება ხელმისაწვდომი.
WhatsApp-ი 2009 წელს Yahoo-ს ორმა ყოფილმა თანამშრომელმა დააფუძნა. 2014 წელს აპლიკაცია Facebook-მა 19 მილიარდ დოლარად შეიძინა.
WhatsApp-ს თვეში დაახლოებით 450 მილიონი მომხმარებელი ჰყავს.
კომენტარები