გავრცელებულ ინფორმაციას, რომ მეზღვაური გარდაცვლილია, საგარეო საქმეთა სამინისტროში არ ადასტურებენ.
საქართველოს საგარეო საქმეთა სამინისტროს წარმომადგენლის, ვლადიმერ კონსტანტინიდის ინფორმაციით, ადგილზე იმყოფება გემთმფლობელი კომპანიის ადვოკატი, რომელიც სპეციალურად ჩავიდა ლიბიაში, რომ გამოძიებასთან ყველა დეტალი დაადგინოს.
„ინფორმაციას ვერ დავადასტურებთ, რადგანაც არ არს ამაზე მიმანიშნებელი პირდაპირი მტკიცებულებები. ადამიანი არის გაუჩინარებული. ყველა ვერსია შეგვიძლია განვიხილოთ, მაგრამ ვერცერთ ვერსიას ამ ეტაპზე, ვიდრე გამოძიება რაიმე ხელშასახებ მტკიცებულებებს არ მოგვცემს, ვერ დავადასტურებთ“,- განაცხადა საქართველოს საგარეო საქმეთა სამინისტროს წარმომადგენელმა, ვლადიმერ კონსტანტინიდმა.
ქართველი მეზღვაური 22 წლის დავით რაზმაძე შორეულ ნაოსნობაში ლიბიაში იმყოფებოდა, როდესაც გაუჩინარდა. მისი სამძებრო სამუშაოები ორი კვირაა მიმდინარეობს.