“თავისუფლება ვანო მერაბიშვილს”,- ასეთი შეძახილებით და ტრანსფარანტებით ახალციხეში „ერთიანმა ნაციონალურმა მოძრაობამ“ საპროტესტო აქცია გამართა. შოთა რუსთაველის ძეგლთან აქციის მონაწილეებს პარტიის ლიდერები გიგა ბოკერია, გიგი წერეთელი, გივი თარგამაძე, გიორგი გაბაშვილი და მაჟორიტარი დეპუტატობის კანდიდატებიც შეუერთდნენ.
„ჩვენ აქ იმიტომ შევიკრიბეთ, რომ ვანო მერაბიშვილი უკანონო პატიმარია და ხელისუფლებას კიდევ ერთხელ უნდა შევახსენოთ ევროსასამართლოს გადაწყვეტილება. იგი დაუყოვნებლივ უნდა გათავისუფლდეს”,- განაცხადეს აქციაზე გამოსულმა პარტიის ლიდერებმა.
კომენტარები