აჭარაში, 8 წლის გოგონას მიმართ გარყვნილ ქმედებასთან დაკავშირებით შინაგან საქმეთა სამინისტრომ გამოძიება „სისხლის სამართლის კოდექსის” 141-ე მუხლით დაიწყო, რაც გარყვნილ ქმედებას გულისხმობს.
ბავშვის დედამ ჟურნალისტებთან საუბრისას განაცხადა, გარყვნილ ქმედებასთან დაკავშირებით ეჭვი მას გაუჩნდა. მისი თქმით, შემთხვევას საოჯახო ტიპის სასტუმროს უცხოელი მფლობელის მხრიდან ჰქონდა ადგილი, სადაც თავადაც მუშაობდა. დედამ მომხდარის გამო სამართალდამცავებს რამდენიმე დღის წინ მიმართა და ექსპერტიზისა და ფსიქოლოგის დასკვნას ელოდება. მომხდარში ჩართულია სახალხო დამცველის წარმომადგენელი და სოციალური სამსახური.
„ბავშვმა აღიარა და თქვა, რასაც ვეჭვობდი. ის ბავშვს ეუბნებოდა, რომ არ ეთქვა. მყავდა ფსიქოლოგთან და ჩართულია ყველა მხარე, მიმდინარეობს გამოძიება. ვითხოვ მამაკაცის დასჯას”,- განაცხადა დედამ.