მოსკოვის სასამართლომ საინვესტიციო კომპანია Baring Vostok-ის დამფუძნებელს პატიმრობის ვადა 72 საათით გაუხანგრძლივა. მაიკლ კალვი აშშ-ის მოქალაქეა. ამის შესახებ „რადიო თავისუფლება“ წერს.
გამოცემის ინფორმაციით, კალვისთან ერთად დაკავებულია კომპანიის 4 თანამშრომელიც. ამერიკელ ფინანსისტსა და მის მოკავშირეებს თაღლითობაში ადანაშაულებენ. საქმეზე მოსმენა დღეს კიდევ ერთხელ განახლდება.
კალვი დანაშაულს არ აღიარებს და აცხადებს, რომ ეს პროცესები მის წინააღმდეგ შავ კამპანიას ემსახურება. ადვოკატის განმარტებით, მისი დაცვის ქვეშ მყოფს ბრალდება კომერციულ დავაში ზეწოლის მოსახდენად წაუყენეს.
კომენტარები