ქართველ დიპლომატებს დღეს პრეზიდენტი შეხვდება. ამბასადორიალის ფარგლებში გიორგი მარგველაშვილთან შეხვედრა 19:00 საათზეა დანიშნული.
“დღის ბოლოს ჩვენ გვექნება შეხვედრა საქართველოს პრეზიდენტთან. ბუნებრივია, ვიმსჯელებთ ყველა იმ პრიორიტეტულ მიმართულებაზე, რომელიც ჩვენი საგარეო პოლიტიკის აქტუალური თემაა. რა თქმა უნდა, საინტერესო იქნება პრეზიდენტისგან მოსმენა, თუ რა ფიქრობს დღევანდელ გამოწვევებზე. იქნება საშუალება იმისა, რომ მიმდინარე პროცესებთან დაკავშირებით კითხვა-პასუხის რეჟიმში გაიცვალოს აზრი. ეს საინტერესო ფორმატია, რადგან ჩვენი დიპლომატიური კორპუსის წარმომადგენლები უშუალოდ პრეზიდენტისგან მოისმენენ ძირითად მიმართულებებზე მის ხედვას. ბუნებრივია, ჩვენთვის ძალიან მნიშვნელოვნია, რომ ხელისუფლების ყველა შტოს ჰქონდეს ერთმანთთან ძალიან მჭირდო და კოორდინირებული სამუშაო ფორმატი. საელჩოს ეფექტური საქმიანობისთვის უაღრესად მნიშვნელოვანია, იცოდნენ მათ, რას ფიქრობენ ძირითად გამოწვევაზე საქართველოს უმაღლესი ხელისუფლების წარმომადგენლები“, – განუცხადა ჟურნალისტებს საგარეო საქმეთა მინისტრის პირველმა მოადგილემ დავით ზალკალიანმა.
დიპლომატები ანალოგიურ ფორმატში ხვალ პრემიერ-მინისტრს გიორგი კვირიკაშვილს შეხვდებიან.