ხადას ხეობაში სმიტების ოჯახის მკვლელობაში ბრალდებული მალხაზ კობაურის დედა აცხადებს, რომ ნაფიც მსაჯულთა მიერ გამოტანილი გამამტყუნებელი ვერდიქტი სამართლიანი არ არის.
მისი თქმით, პროკურატურის მტკიცებულებები იყო სიცრუე.
“მე სამართალს ვერ ვიპოვი, სანამ ესენი მეფობენ. სირცხვილია. მარტო ამდენ დანაშაულს როგორ ჩაიდენდა. პროკურატურის მტკიცებულებები იყო ტყუილები. იქ რა მოხდა, ჩვენ ვერ ვისაუბრებთ. ეს იყო კარგად დადგმული მკვლელობა, სამხილები ისე დააკავშირეს, რომ მალხაზი დამნაშავეა. ნაფიცი მსაჯულები იყვნენ პროკურატურისგან ზეწოლის ქვეშ“, – განაცხადა მალხაზ კობაურის დედამ, მარინა მარტიაშვილმა.
შეგახსენებთ, რომ ხადას ხეობაში სმიტების ოჯახის სამი წევრის მკვლელობაში ბრალდებული მალხაზ კობაური, გუშინ, ნაფიცმა მსაჯულებმა ყველა წარდგენილ ბრალში ერთხმად სცნეს დამნაშავედ.
12 მსაჯული სათათბირო ოთახში 4 საათს მსჯელობდა.
მალხაზ კობაურის დედა – ნაფიცი მსაჯულები იყვნენ პროკურატურისგან ზეწოლის ქვეშ
2019/03/26 13:51:48
ნანახია: 994 ჯერ