ჩრდილოეთ კორეის ლიდერმა აშშ-ის პრეზიდენტთან მესამე შეხვედრის გამართვის მზაობა გამოთქვა. თუმცა, ამისთვის კიმ ჩენ ინი საკითხისადმი ტრამპის “სწორი დამოკიდებულების” პირობას აყენებს.
გავრცელებულ ინფორმაციაში ნათქვამია, რომ ფხენიანი მზადაა, “ყოველგვარი ყოყმანის გარეშე მოაწეროს ხელი შეთანხმებას, თუ ის ორივეს ინტერსებს უპასუხებს და სამართლიანი და მისაღები იქნება“. თუმცა, აქვე ისიც არის ნათქვამი, რომ ჩრდილოეთ კორეა არ წავა იმ დათმობებზე, რომელიც აშშ-მა ჰანოიში ჩატარებულ შეხვედრაზე წარადგინა.
„თუ აშშ ისეთ გადაწყვეტილებას გამონახავს, რომელსაც ჩვენ გავიზიარებთ და სწორად შემოგვთავაზებენ მესამე შეხვედრისა და მოლაპარაკებების გამართვას, მაშინ მზად ვიქნებით, დავთანხმდეთ მას,“ – განაცხადა ჩრდილოეთ კორეის ლიდერმა.
კიმ ჩენ ინმა აშშ-ს მოუწოდა, გადახედოს თავის მიდგომებს კორეის ნახევარკუნძულის დენუკლეარიზაციის საკითხში.