მამაკაცმა ვაშინგტონში თეთრ სახლთან თავის დაწვა სცადა. ინციდენტი შეერთებული შტატების პრეზიდენტის რეზიდენციის წინ მოხდა.
ეტლში მყოფმა მამაკაცმა ქურთუკზე ცეცხლი მოიკიდა.
ცეცხლი საიდუმლო სამსახურის ოფიცრებმა მალევე ჩააქრეს და დაშავებულს პირველადი სამედიცინო დახმარება ადგილზევე აღმოუჩინეს. მოგვიანებით მამაკაცი საავადმყოფოშიც გადაიყვანეს. მის სიცოცხლეს საფრთხე არ ემუქრება.
ჯერჯერობით უცნობი რჩება მამაკაცის ქმედების მოტივი.
ინციდენტის შემდეგ სამართალდამცველებმა თეთრი სახლის მიმდებარე ქუჩები რამდენიმე საათის განმავლობაში გადაკეტილი ჰქონდათ.
კომენტარები