იუგოსლავიის ყოფილი პრეზიდენტის, სლობოდან მილოშევიჩის მეუღლე მირა მარკოვიჩი გარდაიცვალა. ის 76 წლის იყო. ამის შესახებ ინფორმაციას BBC ავრცელებს.
მირა მარკოვიჩი ცნობილი იყო როგორც “ბალკანეთის ლედი მაკბეთი”, ის 1990-იან წლებში იუგოსლავიის დაშლის დროს აქტიურად იყო ჩართული პოლიტიკურ პროცესებში. ის ქვეყნის პრეზიდენტის ერთ-ერთი ნდობით აღჭურვილი პირი და მრჩეველი იყო.
2000 წელს მილოშევიჩი ქვეყნის მართვის სადავეებს ჩამოაშორეს, შემდეგ კი საერთაშორისო ტრიბუნალს გადასცეს. 20006 წელს მილოშევიჩი საპატიმროში გარდაიცვალა, მაშინ მისი სასამართლო პროცესები ჯერ კიდევ არ იყო დასრულებული.
2003 წლს მირა მარკოვიჩი საცხოვრებლად რუსეთში გადავიდა, სადაც მან და მისმა შვილმა ლტოლვილის სტატუსი მიიღეს. სერბეთის ხელისუფლებამ მარკოვიჩზე საერთაშორისო ძებნა გამოაცხადა, თუმცა რუსეთმა მის გადაცემაზე უარი განაცხადა.