პრემიერმა მამუკა ბახტაძემ ხელი მოაწერა ბრძანებას ეკონომიკის მინისტრის გიორგი ქობულიას თანამდებობიდან გათავისუფლების შესახებ.
ინფორმაცია ცოტა ხსნის წინ მთავრობის ადმინისტრაციის ვებგვერდზე განთავსდა. აქვეა მეორე ბრძანებაც, რომლის მიხედვითაც ეკონომიკის მინისტრის თანამდებობას ნათია თურნავა დაიკავებს, რომელიც ამ დრომდე ეკონომიკის მინისტრის მოადგილე იყო.
გიორგი ქობულია ეკონომიკის მინისტრად 2018 წლის 12 ივლისს დაინიშნა, მანამდე კი ბიზნესის სფეროში საქმიანობდა. გიორგი ქობულია ეკონომიკის მინისტრის თანამდებობას ათი თვის განმავლობაში იკავებდა. რა გახდა ამ საკადრო ცვლილების მიზეზი, უცნობია, თუმცა ჯერ კიდევ რამდენიმე კვირის წინ გავრცელდა ცნობა, რომ ქობულიას გათავისუფლება იგეგმებოდა.
კომენტარები