კომპანია მაქსიმალურად ცდილობდა ადგილობრივების მოთხოვნა მაქსიმალურად გაეთვალისწინებინათ,- ამის შესახებ კომპანია ფერის გენერალურმა დირექტორმა ლაშა იორდანიშვილმა პანკისში განვითარებული მოვლენების კომენტირებისას გააკეთა.
,, ჩვენ როდესაც მშენებლობა დავიწყეთ ეს იყო გასული წლის თებერვალი. გასული წლის თებერვლიდან მოყოლებული, როდესაც პირველი პროტესტი გამოითქვა, ჩვენ გავაჩერეთ სამუშაოები და ცამეტი თვე მუხლჩაუხრელად ვიმუშავეთ თითოეულ ოჯახთან, მათ შექმნეს 30-კაციანი კრება, რომელთანაც მუდმივად ვმუშაობდით, ათეულობით შეხვედრა ჩავატარეთ, მეჩეთებში, სოფლის ცენტრებში, – მაქსიმალურად ვცდილობდით, რომ გაგვეთვალისწინებინა მათი ყველანაირი მოთხოვნა, რაც კი ჩვენს შესაძლებლობებს არ აღემატებოდა. ჩვენ ვიმუშავეთ ადგილობრივ მოსახლეობასთან სხვადასხვა სოციალურ პროექტებზე, მათ შორის იყო ომალო-ბირკიანის დამაკავშირებელი საავტომობილო ხიდის მშენებლობა, იქ იყო ხეობისთვის ფონდის შექმნა, რომელშიც ყოველწლიურად 120 000 ლარი შევიდოდა, იქ იყო ასევე უშუალოდ სოფელი ბირკიანი და ძიბახევი, სადაც ეს სადგური შენდებოდა, მათთვის ცალკე ფონდის შექმნა და მათთვის ცალკე სხვადასხვა ტიპის ვალდებულებების აღება”,- განაცხადა ლაშა იორდანიშვილმა
პანკისის ხეობაში მოქალაქეებმა ჰესის მშენებლობა გააპროტესტეს. პროტესტს პოლიციასა და აქციის მონაწილეებს შორის დაპირისპირება მოჰყვა. სპეცრაზმმა აქციის მონაწილეების წინააღმდეგ ცრემლმდენი გაზი გამოიყენა. მომხდარი დაპირისპირების გამო, 55 ადამიანი დაშავდა, მათ შორის 38 პოლიციელი და 17 ადგილობრივი.
შინაგან საქმეთა სამინისტრომ პანკისის ხეობაში პოლიციელებზე თავდასხმის და პოლიციის ტექნიკის დაზიანების ფაქტზე გამოძიება საქართველოს სისხლის სამართლის კოდექსის 353-ე პრიმა და 187-ე მუხლებით