ექსპერტები ზუგდიდის არჩევნებს აფასებენ და ამ კონტექსტში გიორგი გახარიას ფაქტორზე ამახვილებენ ყურადღებას. მათი მოსაზრებით გიორგი გახარიამ ზუგდიდში დიდი გავლენა იქონია ოცნების გამარჯვებასა და არჩევნების მშვიდ ვითარებაში ჩატარებაზე. თორნიკე შარაშენიძის აზრით, არჩევნების დღის მშვიდ ვითარებაში ჩატარება, გიორგი გახარიას დამსახურებაა, თუმცა დაამატა, რომ ოპოზიციას, ვითარების ესკალაციის განზრახვა არ გააჩნდა;
გაზეთ „ახალ თაობასთან“ მიცემულ ინტერვიუში შარაშენიძე აცხადებს, რომ მნიშვნელობა არ აქვს იქნება თუ არა სამთავრობო ცვლილებები, რადგან „მთავარ ფიგურას გახარია წარმოადგენს“, -აცხადებს ექსპერტი. ექსპერტი ხათუნა ლაგაზიძე კი მიიჩნევს, რომ ზუგდიდში რეალურად გახარიამ გაიმარჯვა არჩევნებში – „ზუგდიდში სადაც რეალურად გახარია-სააკაშვილის შერკინებას ვუყურებდით, გახარიამ დაამარცხა სააკაშვილი და თან პირველივე ტურში,- წერს ექსპერტი. აღსანიშნავია, რომ გიორგი გახარია არჩევნების დღეს ზუგდიდში იმყოფებოდა, სადაც მან ჟურნალისტებს განუცხადა: „ჩვენ მეგრელებს სტუმარ-მასპინძლობას ვერ გვასწავლის ვერავინ, ამიტომ, ყველას გავუმასპინძლდებით, რა თქმა უნდა ასევე მეგობრებად დავშორდებით ერთმანეთს, უბრალოდ ის ხალხი წავა თავისთან სახლში და ზუგდიდელები დარჩებიან თავიანთ ახალ მერთან ერთად ზუგდიდში. “- გიორგი გახარია.