ბათუმში, კობალაძის 15 ნომერში მდებარე 22 სართულიან საცხოვრებელ სახლში სატვირთო ლიფტი მესამე სართულიდან ჩაწყდა.
imedinews-ის ინფორმაციით, ლიფტში 9 ადამიანი იმყოფებოდა. ინციდენტის შედეგად რამდენიმე ადამიანმა დაჟეჟილობა მიიღო, ერთი კი დაშავდა, რომელიც კლინიკაშია გადაყვანილი
„გვარწმუმნებდნენ რომ ლიფტი იყო უსაფრთხო. თვითნებურად არ ვამუშავებდით, ერთი პირი დაჰყვებოდა სულ, სწორედ ისაა გადავარდნილი კლინიკაში. ლიფტი მესამე სართულიდან მოწყდა, ყველა შახტაში ჩავცვივდით, მსუბუქი დაზიანებები მაქვს, ვითხოვ მოაწესრიგონ ლიფტი და პასუხისმგებელმა პირებმა აგონ პასუხი,“- განაცხადა მარიამ იაშვილმა.
22 სართულიანი შენობა, სადაც ლიფტი ჩამოვარდა დაუსრულებელია. სახლში, უკვე ერთი წელია 30-მდე ოჯახი ცხოვრობს. მოქალაქეები სატვირთო ლიფტით სარგებლობდნენ, რომელსაც კარი არ აქვს.
სახლის მცხოვრებლები მომხდარზე პასუხისმგებლობას სამშენებლო კომპანიას აკისრებენ.