მინდა, მოვუწოდო „ქართული ოცნების“ დეპუტატებს 76 ხმა სჭირდება, რომ იმუნიტეტი მოგიხსნან და დაპატიმრება შეძლონ, დარწმუნებული ვარ, ბევრი ღელავს, – ამის შესახებ „ნაციონალური მოძრაობის“ ლიდერმა, ნიკა მელიამ განაცხადა.
„ქართული ოცნების“ დეპუტატებისთვის არ არის ადამიანურად სასიამოვნო მოვწონვარ, არ მოვწონვარ სხვა საკითხია, ბევრ ადამიანის წინა ცხორებიდანაც ვიცნობ და ემოციურად რთული იქნება. დარწმუნებული ვარ, „ქართული ოცნების“ ბევრი დეპუტატისთვის ჩემს დაპატიმრებაზე თანხმობა იოლი არ იქნება. ახლა ქუცნაშვილი რომ იქ ყოფილიყო, ორივე ხელით დააჭერდა. მინდა, მივმართო ყველა „ქართული ოცნების“ დეპუტატებს, არ იდარდოთ, ვიცი, რომ ცუდ მდგომარეობაში ჩაგაგდოთ ივანიშვილმა, ეს პირველად არ არის და არც უკანასკნელად თქვენ ცხოვრებაში. ვიცი, რომ თქვენც ტყვეობაში ხართ ბიძინა ივანიშვილის მმართველობაში. მე პიროვნულად არანაირი პრეტენზია არ მაქვს თქვენთან. ვარ ბრძოლაში და ჩვენი საზოგადოების ჯანსაღი ნაწილი იბრძვის იმ წყობასთან, რომელიც ამ ქვეყანაში ჩამოყალიბდა ბიძინა ივანიშვილის მმართველობის შემდეგ. არც პირველი პატიმარი ვარ, ნუ იფიქრებთ, რომ ეს ბრძოლა შენელდება“, – განაცხადა ნიკა მელიამ.