საფეხბურთო მატჩების ჩაწყობის საქმეზე პატიმრობაში მყოფი ოთხი პირიდან ერთ-ერთს, ლაშა ჩაფიძეს სასამართლომ აღკვეთის ღონისძიება შეუცვალა და 10 000-ლარიანი გირაოს სანაცვლოდ დარბაზიდან გაათავისუფლა.
შუამდგომლობა დაკავებულებისთვის აღკვეთის შეცვლის თაობაზე დაცვის მხარემ დღევანდელ სხდომაზე დააყენა. მოსამართლემ შუამდგომლობა მხოლოდ ერთი ბრალდებულის მიმართ დააკმაყოფილა, ვახტანგ ჯაყელი, ირაკლი ხუჭუა და ნიკა დაოშვილი კი პატიმრობაში დატოვა.
საფეხბურთო მატჩების ჩაწყობის საქმეზე თბილისის საქალაქო სასამართლოში წინასასამართლო სხდომაზე მხარეებმა მტკიცებულებების დასაშვებობაზე იმსჯელეს.
სუს-მა საფეხბურთო მატჩების ჩაწყობის ფაქტზე რვა მოქმედი და სამი ყოფილი ფეხბურთელი დააკავა.
კომენტარები