ქიბარ ხალვაშის თქმით, რუსთავი2 ის სარედაქციო პოლიტიკას არ შეეხება, თუმცა გვარამიას უშვებს.
ქიბარ ხალვაში, რომელსაც საქართველოს სასამართლობმა რუსთავი 2-ის 100 პროცენტი მიაკუთვნეს, ამბობს, რომ არიხიდან გენერალურ დირექტორს, ნიკა გვარამიას უშვებს. ის ირწმუნება, რომ არხზე სხვა ცვლილება არ იგეგმება.
“ცვლილება შეეხება მხოლოდ ერთ ადამიანს. ნიკა გვარამია, რომელიც სინამდვილეში არის იმ რეჟიმის დანიშნული, რომელმაც წამართვა კომპანია, ვეღარ გააგრძელებს კომპანიაში საქმიანობას ვერც ჟურნალისტის და ვერც, ცხადია, გენერალური დირექტორის სტატუსით”, — აღნიშნულია ხალვაში სახელით გავრცლებულ განცხადებაში.
მისი თქმით, მის ნაცვლად კომპანიას უხელმძღვანელებს მისი ადვოკატი, პაატა სალია.
“[პაატა სალიას] ვუსაზღვრავ მკაფიო ამოცანას, უზრუნველყოს არხის შეუფერხებელი მუშაობა და ამავდროულად, მოახდინოს კომპანიაში არსებული ფინანსური ვითარების შესწავლა, რისთვისაც მოიწვიოს მაღალი რეპუტაციის მქონე საერთაშორისო აუდიტორული კომპანია”, — განმარტა მან.
ხალვაში განცხადებაში აღნიშნავს, რომ არ აპირებს არხის სარედაქციო პოლიტიკა შეცვალოს და “გამოხატვისა და სიტყვის თავისუფლება იქნება გარანტირებული”.