საფრანგეთში ემანუელ მაკრონისა და ვლადიმერ პუტინის შეხვედრა დღეს გაიმართება.
მაკრონი პუტინს ქალაქ ბრეგანსონში მდებარე საზაფხულო რეზიდენციაში უმასპინძლებს.
ორი ქვეყნის პრეზიდენტები უკრაინასა და სირიაში სიტუაციის დარეგულირების საკითხს განიხილავენ.
რუსული მხარის მტკიცებით, ორი ლიდერის მოლაპარაკების დროს ასევე განხილული იქნება ირანთან 2015 წელს გაფორმებული ე.წ. ბირთვული შეთანხმების საკითხსაც.
როგორც მოსკოვში ამბობენ, პუტინი მაკრონთან შეხვედრაზე რუსეთისა და ევროკავშირის ურთიერთობებისა და ბრიუსელთან დიალოგის გააქტიურების თემაზე გაამახვილებს ყურადღებას.
მაკრონისა და პუტინის შეხვედრა “დიდი შვიდეულის” ლიდერების შეხვედრამდე ხუთი დღით ადრე იმართება.
კომენტარები