გუშინ, გამთენიისას, „მედ ცენტრში“ ბათუმის ერთ-ერთი კლუბის მიმდებარე ტერიტორიიდან 22 წლის ახალგაზრდა უგონო მდგომარეობაში შეიყვანეს. მიუხედავად გაწეული სამედიცინო დახმარებისა, ახალგაზრდა ბიჭის გადარჩენა ვერ მოხერხდა.
შინაგან საქმეთა სამინისტროს ინფორმაციით, მოხდარ ფაქტზე გამოძიება საქართველოს სსკ-ს 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გარდაცვალების ზუსტი მიზეზის დასადგენად დანიშნულია შესაბამისი ექსპერტიზები.
“ექსკლუზივნიუსის” ინფორმაციით, იმავე ღამეს საავადმყოფოში კიდევ რამდენიმე ახალგაზრდა გადაიყვანეს, მათ ალკოჰოლური ინტოქსიკაცია დაუდგინდათ და მათ ჯანმრთელობას საფრთხე არ ემუქრება.
კომენტარები