მინდა, საქართველოს მივულოცო კიდევ ერთი ღირსშესანიშნავი ობიექტი, რომელიც არის ბატონი ბიძინა ივანიშივილისა და ფონდი „ქართუს“ საჩუქარი საქართველოსთვის, – ამის შესახებ საქართველოს პრემიერ-მინისტრმა, გიორგი კვირიკაშვილმა ფონდ „ქართუს“ მიერ მინატურების პარკის სახელმწიფოსთვის გადაცემასთან დაკავშირებით განაცხადა.
გიორგი კვირიკაშვილმა საჩუქრისთვის ბიძინა ივანიშვილს მადლობა გადაუხადა.
„ეს არის მართლაც ღირსშესანიშნავი ადგილი, რომელიც დარწმუნებული ვარ, გახდება ერთ-ერთი ყველაზე საყვარელი ადგილი, პირველ რიგში საქართველოს მოქალაქეებისთვის და, რა თქმა უნდა, ტურისტებისთვის. პარკის მშენებელობაზე 10 მილიონ ლარზე მეტი ინვესტიციაა დახარჯული. ეს არის ტურისტულ-რეკრეაციული დანიშნულების ახალი ახალი მიმართულება, სადაც მინიატურულ განზომილებაშია წარმოდგენილი საქართველოს კულტურული და ისტორიული ძეგლები, სხვდასახდა არქიტექტურული ნაგებობები“,-აღნიშნა პრემიერ-მინისტრმა.
მისივე თქმით, ამგვარი პარკები ბევრ ქვეყანას არ აქვს, ეს არის მართლაც დიდი ფუფუნება და, სადაც არის, დიდი პოპულარობით სარგებლობს.
„დარწმუნებული ვარ, რომ ეს იქნება ტურიზმისთის, ქვეყანაში ტურისტების მოზიდისთვის, ქვეყნის პოპილარიზაციისთვის მართლაც მნიშვნელოვანი ობიექტი. დიდი მადლობა მინდა გადავუხადო ფონდ „ქართუს“. მინდა, მივულოცო საქართველოს ეს მართლაცდა ღირსშესანიშნავი, ახალი ტურუსტული მიმართულების გახსნა“,-აღნიშნა გიორგი კვირიკაშვილმა.
საქველმოქმედო ფონდმა „ქართუმ” პარკი, სადაც მინიატურებშია წარმოდგენილი საქართველოს კულტურული მემკვიდრეობის ძეგლები და არქიტექტურული საგანძური, სახელმწიფოს საჩუქრად გადასცა.
“საქართველო მინიატურებში” ქვეყნის კულტურულ–არქიტექტურულ ძეგლთა მაკეტები 2 ჰექტარ მიწის ფართობს იკავებს და შეკვეთილში, ატრაქციონების პარკ “ციცინათელას” მიმდებარე ტერიტორიაზე, ტურისტულ–რეაკრიაციულ პარკშია გაშენებული.
მინიატურების პარკის სახელმწიფოსთვის გადაცემის ცერემონიას საქართველოს პრემიერ–მინისტრი გიორგი კვირიკაშვილი დაესწრო.
მინიატურების პარკის სახელმწიფოსთვის გადაცემის დოკუმენტს ხელი მოაწერეს ფონდ ”ქართუს” გამგეობის თავმჯდომარემ, ნიკოლოზ ჩხეტიანმა და სახელმწიფო ქონების ეროვნული სააგენტოს თავჯდომარის მოვალეობის შემსრულებელმა, ირაკლი შენგელიამ.