ჟურნალისტი ნანუკა ჟორჟოლიანი, მაყურებელს „მთავარ არხზე“ ახალი გადაცემით „სხვა ნანუკა“ დაუბრუნდა.
გადაცემის სტუმრები ნიკა გვარამია, გიორგი გაბუნია, ნოდარ მელაძე და სხვები იყვნენ.
გიორგი გაბუნიამ გადაცემაში, მისი და დედის ჯულიეტა ვაშაყმაძის ურთიერთობაზე ისაუბრა.
„პირველად, როცა მძაფრი განცხადებები დავიწყე ხელისუფლების მიმართ, დედაჩემისთვის მიუღებელი იყო. როდესაც მუქარები მოისმინა ჩემი მისამართით, ვიღაცეები რეკავდნენ… ვჩხუბობდით. ერთხელ წელიწადზე მეტხანს არ ვლაპარაკობდით.
როცა ნახა ეს მეთოდები არ ჭრიდა, ტირილი დაიწყო. ამის შემდეგ აღარ უყურებდა ჩემს გადაცემებს, თუ ვინმე რამეს ეტყოდა ტელეფონზე, ეუბნებოდა არ მაინტერესებსო. ახლა უკვე შეეჩვია იმას, რომ მე ასეთი ვარ.
ნიკამაც რომ დაიწყოს ახლობლების განცდებზე ფიქრი ვერაფერს ვერ გააკეთებს. რაღაცეები შიგნით გროვდება და ვთვლი, აღარ მაქვს უფლება რიგითი ადამიანივით მოვიქცე“ – განაცხადა გაბუნიამ.