ბრაზილიაში, რიო დეჟანეიროს კერძო კლინიკაში ხანძრისას 10 ადამიანი დაიღუპა. კლინიკიდან პაციენტების ევაკუაცია განხორციელდა.
ინტენსიური თერაპიის ერთ-ერთი პაციენტის შვილმა Globo news–ს განუცხადა, რომ 77 წლის მამა იძულებული გახდა, ცეცხლისგან თავის დაღწევის მიზნით ტერიტორია დაეტოვებინა.
მეხანძრეები ხანძარს რამდენიმე საათის განმავლობაში ებრძოდნენ.
კლინიკის ხელმძღვანელობა აცხადებს, რომ ცეცხლის გაჩენა სავარაუდოდ მოკლე ჩართვამ გამოიწვია, თუმცა ზუსტ მიზეზს გამოძიება დაადგენს.
სხვა დეტალები ჯერ უცნობია.
კომენტარები