არასრულწლოვნების პორნოგრაფიის უკანონოდ დამზადება-გასაღებისა და ტრეფიკინგის საქმეზე დაკავებული მშობლების ადვოკატი აცხადებს, რომ საქმეში მათი ბრალეულობის დამადასტურებელი მტკიცებულებები არ არის.
„არ არსებობს არც ერთი მტკიცებულება, რომ დაკავებული მშობლები შვილებს პორნოგრაფიულ საქმიანობაში იძულებით რთავდნენ,“ – ამის შესახებ დაცვის მხარე აცხადებს.
დაკავებულის მშობლებიც ამბობენ, რომ მათი შვილის, რძალის და შვილიშვილის ამ საქმიანობის შესახებ ინფორმაცია არ ჰქონდათ და არ სჯერათ გავრცელებული ცნობების.
თუმცა, ერთ-ერთი დაკავებული მშობლის მამა ადასტურებს, რომ ამერიკელ მასწავლებელს, რომელიც საქმეში ფიგურირებს, ოჯახთან კონტაქტი ჰქონდა და მიმდინარე წლის განმავლობაში, მათთან სახლშიცაა ნამყოფი.
„ეს არის შეტენილი საქმე, რაღაც მაიმუნობა. ჩემი რძალი და ბიჭია დაკავებული. ვითომ მიჰყავდათო, სურათს უღებდნენო. 8 წლისაა ბავშვი, რა სურათი უნდა გადაეღოთ. ამერიკელი მასწავლებელი ოჯახშიც ყოფილა მოსული. კულტურული ბიჭია, არ არის ისეთი,“ – ამბობს დაკავებულის მამა “საზოგადოებრივ მაუწყებელთან”.
დაკავებულის დედაც გამორიცხავს მისი შვილის ბრალეულობას.
დაკავებულებიდან 8 პირი გორის რაიონის სამი სხვადასხვა სოფლიდან არიან.