სექტემბრიდან ქუთაისის აეროპორტიდან შვიდი ახალი რეისი შესრულდება, ესენია: დორტმუნდი, სალონიკი, მილანი, სოფია, მემინგენი, ბერლინი და ლარნაკა.
“მოგეხსენებათ, ქუთაისიდან სექტემბრის თვეში 7 ახალი მიმართულებით დავიწყებთ ფრენას. ეს არის დორტმუნდი, სალონიკი, მილანი, სოფია, მემინგენი, ბერლინი და ლარნაკა. შესაბამისად, თუ დღეს გვაქვს 8 სიხშირე ევროპის მიმართულებით, სექტემბრიდან ჩვენ გვექნება 23 სიხშირე, რაც, რა თქმა უნდა, დადებითად აისახება, როგორც ტურისტულ ნაკადზე, ასევე იმ შესაძლებლობებზე, რომ ჩვენმა მოქალაქეებმა უპრობლემოდ იფრინონ ევროპაში“,- განაცხადა ქუმსიშვილმა მთავრობის სხდომის დასრულების შემდეგ.
კომენტარები