მალხაზ მაჩალიკაშვილი პარლამენტის შენობაში იმყოფება. მას დაახლოებით ნახევარი საათის განმავლობაში პარლამენტში შემოსვლის საშუალებას არ აძლევდნენ.
მალხაზ მაჩალიკაშვილს სურს, რომ დაესწროს იურიდიულ საკითხთა კომიტეტის სხდომას, სადაც უზენაესი სასამართლოს მოსამართლეობის კანდიდატს, გენერალურ პროკურორ შალვა თადუმაძეს უსმენენ.
ამ დროისთვის უცნობია, მიეცემა თუ არა მას უშუალოდ კომიტეტზე დასწრების საშუალება.
“ჩემი მოქალაქეობრივი უფლებაა, პარლამენტში შევიდე და შალვა თადუმაძეს დავუსვა კითხვები.
თუ მექნება უფლება, დავსვამ კითხვას, თუ არა – მოვუსმენ. მე მინდა, რომ დავესწრო სხდომას”, – განაცხადა მალხაზ მაჩალიკაშვილმა პარლამენტის შენობის შესასვლელთან ყოფნისას.
კომენტარები