“ცენტრისტები”, როგორც საარჩევნო სუბიექტი, არ არსებობს, შესაბამისად საკონსტიტუციო სასამართლოში ამ პარტიის გაუქმების მოთხოვნით სარჩელის შეტანა აზრს კარგავს, – ამის შესახებ საპარლამენტო ფრაქცია “ქართული ოცნების” თავმჯდომარემ, გია ვოლსკიმ განაცხადა.
როგორც ვოლსკიმ აღნიშნა, არ არსებობს პარტიის უფლებამოსილი წარმომადგენელი, საერთოდ არ არსებობენ ადამიანები, ვინც იქნება მოპასუხე მხარე და შეუძლიათ, ამ პარტიის სახელით ისაუბრონ.
“აქედან გამომდინარე, ამ სარჩელის შეტანა სამართლებრივ აზრს კარგავს. თუკი პოლიტიკურ თემაზეც ვიმსჯელებთ, პოლიტიკურადაც გარკვეული მიზანშეუწონლობა არსებობს, ვინაიდან ვიღაცებს სურს კიდევ გააღვიძონ, გააცოცხლონ ეს პარტია თუ ადამიანები, რომლებსაც არავითარი კავშირი და უფლებამოსილება არ აქვთ, წარმოადგინონ ეს პარტია. აქედან გამომდინარე, სამართლებრივი ნონსენსი იქნება, რომ ვუჩივლოთ მათ, ვინც არ არსებობს”,-აღნიშნა გია ვოლსკი.