„უკანონო ქმედებებს ისევ და ისევ აგრძელებს რუსული და ოსური მხარე, ეს ერთი და იგივეა ჩემთვის”,-ამის შესახებ შს მინისტრმა, ვახტანგ გომელაურმა სოფელ ატოცთან მიმდინარე მოვლენებზე საუბრისას განაცხადა. მისი თქმით, ესკალაციის საფრთხე დღესდღეობით არ არსებობს და სიტუაცია კონტროლირებადია.
„უკანონო ქმედებებს ისევ და ისევ აგრძელებს რუსული და ოსური მხარე, ეს ერთი და იგივეა ჩემთვის. ეს რთულია ადგილობრივი მოსახლეობისთვის. დღეს ერთი თვის წინ დაყენებულ ბოძებზე რკინის ცხაურების დაკვრა დაიწყეს. იქ რაღაც განსაკუთრებული არ ხდება, ყველაფერი კონტროლს ექვემდებარება. გუშინ და გუშინწინ იყო განცხადებები, თითქოს ჩვენი სპეცდანიშნულების რაღაც ჯგუფები, დაზვერვითი ჯგუფები გადადიან იქ, ზვერავდნენ, რაც აბსურდია. არანაირი ჩვენი სადაზვერო და სპეცდანიშნულების რაზმის ჯგუფების გადასვლას არ აპირებდნენ. პირიქით, მათ რამდენიმე ხნის წინ დაარღვიეს და გადმოვიდნენ ჩვენს მხარეს. დღევანდელ ქმედებებზე უსაფრთხოების სამსახურმა საქმის კურსში ჩააყენა ცხელი ხაზი, ევროკავშირის სადამკვირვებლო მისია და ყველა საერთაშორისო ორგანიზაცია. ესკალაციის საფრთხე დღესდღეობით არ არსებობს არანაირად, სიტუაციას სრულად ვაკონტროლებთ“, – განაცხადა გომელაურმა.
ვახტანგ გომელაური – სოფელ ატოცთან რუსული და ოსური მხარის წარმომადგენლები აგრძელებენ უკანონო ქმედებებს
2019/10/19 16:05:36
ნანახია: 471 ჯერ