უხვმა ნალექმა აჭარის რამდენიმე მუნიციპალიტეტში მეწყერი და დატბორვა გამოიწვია. მეწყრული პროცესები განვითარდა ხელვაჩაურში, ქედასა და ქობულეთში. ადიდებულია მდინარეები. დაიტბორა გელაურის დასახლებაში საცხოვრებელი სახლების და ე.წ. ოცნების ქალაქის ეზოები.
შექმნილია სტიქიის სალიკვიდაციო შტაბი. აჭარის მთავრობის განცხადებით, შესაბამისი სამსახურები არსებულ მდგომარეობას სრულად აკონტროლებენ. საავტომობილო გზების დეპარტამენტი მიწის მასის ჩამოწოლის შედეგად ჩაკეტილ სავალ ნაწილს ინტენსიურად წმენდს, მიმდინარეობს წყლის ამოტუმბვითი სამუშაოები. რამდენიმე ოჯახი, რომელსაც სტიქიამ პრობლემები შეუქმნა, უსაფრთხო ადგილზეა გადაყვანილი.
აჭარის მთავრობის თავმჯდომარე თორნიკე რიჟვაძე ვითარებას ადგილზე გაეცნო.
კომენტარები